ZAN KHAT TOPA KHA SIANGTHO IN

 95.  ZAN KHAT TOPA KHA SIANGTHO IN 

Key A 

1.   Zankhat Topa Kha Siangtho in kei hong lawng a, 

Gamnuam khat hong musak hi. 

Luang sialsial tui, nim dildial singcin pak silsial, 

Vasate’n zong lungdam lasa-in leng diaidiai. 

 

CHO:

Zingdam huih nung hiauhiau, 

Paak namtui tawh dim na, van mi siangthote lenna, 

A taang kham khuapi nuam ka luah nading mun hi, 

(Tee diamdiam ding mi siangte aksi bang taang ding)2 

2.   Tua laitak van pan la ngaihpi hong ging ziahziah, 

Topa sapna ka za hi, 

Khitui luangin ka nunna hong kikhel pah a, 

Lungdam in Jesu ang sung ka delh vingveng ta. 

3.   Gamsate’n zong tui luang sialsial a lunggulh bang, 

Topa nang kong lunggulh hi. 

Nang omna peuh ka kha lungdam in nuamsa hi, 

Leitung nate’n hong khih hong buaisak zo nawn lo. 

4.   Tua gam mun nuam lungsimin ka ngaihsut kik ciang, 

Gensiam hi leng a hoih dan. 

A nopdan vangam a lim leh a vang bek hi, 

Bangzah’n a nuam diam tua mun I tun hun ciangin. 

 

Zingdam huih nung hiauhiau,

Paaknamtui tawh dimna it leh ngaih teng tual lenna,

Jesu khut ka len ding, ka nu’n hong muak ding a,

             (Tee diamdiam ding misiangte aksi bang taang ding)2